(利益申報：今次實測嘅 Rooton 產品係由品牌 Sponsor 提供試用，並非自費購買。但我會以 15 年天然美容經驗，從成分出發，俾大家最真實、最 mean 嘅誠實評價。)
 
做天然美容呢行咁耐，我過往8年都係用開 Advanced Cosmetica嘅天然洗護系列。
最近市面上好多「聲稱天然植粹」嘅防脫產品好 hit，其中一款係來自韓國既 Rooton Alpha Erguen™ 甦活植萃系列。
 
既然有品牌 Sponsor，我就抱住「試吓無妨，睇吓同真正天然有咩分別」嘅心態，連續用咗 7 日 Rooton 洗頭水同護髮素。
結果？用咗 3 日，頭皮開始覺得乾痕；到咗第 7 日，我後尾枕位置竟然生咗幾粒頭瘡，仲有少少頭皮屑！😢😢😢😢
 
點解標榜「植粹」、「防脫」嘅洗頭水，反而會搞到頭皮生態大混亂？
我即刻去查閱 Rooton 嘅真實成分表 (INCI)，結果發現咗幾個「致痘致痕」嘅元兇。
 

拆解 Rooton 成分表：3 大刺激陷阱

好多人以為「植粹」就等於溫和，但其實翻開成分表，你會發現配方邏輯好有問題。
 

1. 強烈清潔劑：Sodium C14-16 Olefin Sulfonate

Rooton 洗頭水成份第一位係Water 水，排喺第二位（僅次於水）嘅成分，係 Sodium C14-16 Olefin Sulfonate。呢隻係一種清潔力極強、起泡力極高嘅化學起泡劑。
  • Kinki 診斷：佢嘅脫脂力太強，會將頭皮本身需要嘅保護性油脂全部洗走。當頭皮太乾，身體就會啟動防禦機制，瘋狂分泌更多油脂去補救。
    結果就係：越洗越乾，但幾個鐘後又變到好油。

2. 刺激性涼感：Menthol (薄荷腦)

洗完覺得頭皮好涼好爽？呢個係 Menthol 嘅功勞。
  • Kinki 診斷：薄荷腦雖然有短暫止痕同冰涼感，但佢同時係一種已知嘅皮膚刺激物。佢會增加經皮水分散失 (TEWL)，即係會加速頭皮水分蒸發。
    加上前面講嘅強烈清潔劑，頭皮屏障已經受損，再加薄荷腦，只會令頭皮更加乾、更加痕。

3. 過度去角質：Salicylic Acid (水楊酸)

配方中加入咗水楊酸去角質。
  • Kinki 診斷：
    水楊酸本身係好嘢，可以疏通毛孔。但問題係，當你每日用「強烈清潔劑 + 刺激性薄荷腦 + 酸類去角質」呢個地獄組合去洗頭，你嘅頭皮屏障根本承受唔住！
    呢種過度清潔同過度刺激，正正就係導致我頭皮微生態失衡、爆頭瘡同出頭皮屑嘅主因。
 
(👇🏻 睇睇以下成分對比圖，你就明點解我頭皮會投降)
 

點解我會繼續用 Advanced Cosmetica？

我頭皮因為用慣咗 Advanced Cosmetica，早已經習慣咗真正低刺激、天然養護嘅環境。一接觸到呢啲強烈化學成分，即刻就有激烈反應。
真正嘅防脫同生髮，從來都唔係靠「強烈清潔」或者「冰涼刺激」，而係好似中醫調理咁——養好個底，即係「養好頭皮生態」。
呢個就係點解我試完一輪，最後都係乖乖地用返 Advanced Cosmetica 6星系列天然洗髮露 嘅原因：
 

🌿 1. 蘆薈基底液 vs 普通水

市面上 99% 洗頭水（包括 Rooton）第一成分都係 Water (水)。
但 Advanced Cosmetica 係全港首創用「費拉蘆薈基底液」代替水！
蘆薈嘅保濕力快過水 8 倍，洗頭同時已經幫頭皮深層注水，根本唔會出現「洗到乾痕」嘅問題。
 

🌿 2. 天然植物起泡 vs 強烈化學起泡

佢堅決唔用 SLS/SLES 或者 Olefin Sulfonate 呢類強烈清潔劑，而係用天然植物萃取起泡。
雖然起泡冇化學劑咁誇張，但可以溫和洗淨毒素，絕對唔會破壞頭皮保護膜。
 

🌿 3. 摩洛哥堅果油秒速修復

護髮方面，Advanced Cosmetica 用咗分子極細嘅摩洛哥堅果油，分子比人造矽細 100 倍！
秒速滲透髮芯修復，唔會好似化學成分咁殘留喺頭皮堵塞毛孔。
 

🌿 4. 100% 天然精油香氣

無添加任何人造香精，用嘅係檸檬香桃木、玫瑰天竺葵同迷迭香等天然精油。
除咗味道好聞療癒，仲可以真正平衡頭皮油脂分泌，刺激毛囊健康生長。
 
 

總結：護膚同護髮一樣，貴在「養底」

你有冇試過轉用新洗頭水之後，頭皮反而越洗越痕、越洗越油，甚至生頭瘡？
其實頭皮已經俾緊 signal 你：佢頂唔順啦！
 
如果你都面對緊脫髮、頭皮痕癢、出油扁塌嘅問題，與其不斷搵啲「洗得好乾淨、好冰涼」嘅產品去刺激佢，
不如停一停，試吓用真正天然嘅方法去「養好個底」。
頭皮健康咗，頭髮自然會生得濃密豐盈。
👉🏻 按此了解 Advanced Cosmetica 全系列天然洗護產品，一齊戒斷化學傷害，重建健康頭皮生態！